നല്ല നടപ്പു്
നട നടാ നട നടോ
ശട ശടാ ശട ശടോ
അമ്മ തന്‍ കൈ പിടിച്ച്
ആദ്യം പിച്ച നടന്നു
അച്ഛന്റെ തോളേറി പിന്നെ
ഊരു ചുറ്റി നടന്നു
അന്നനടകള്‍ക്കു മുന്നേ
ചെത്തി നടന്നു ചെമ്മേ
ഒരു പെണ്ണിന്‍ കൈപിടിച്ചു്
ഒടുവില്‍ ജീവിതത്തിലേക്കുംനടന്നു
നായായലഞ്ഞു
തീര്‍ത്തൊരു ജന്മം
നടന്നു
കനകകക്കുന്നില്‍ നിന്നും
കവിടിയാര്‍ കുന്നിലേയ്ക്കു
ഇന്നും നട നടക്കുമ്പോള്‍
കൂട്ടിനുള്ളതു്
പരദൂഷണത്രിശിരസ്സുകള്‍
രോഗങ്ങളായുള്ള ശത്രുക്കള്‍
ഈ
നടപ്പു്
ഇതു ‘നല്ല നടപ്പു് ‘
ഇതു
നാട്ടു നടപ്പു്......നട നടോ! നട നട!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ